Domino Effect

Talaga yatang sadyan ganoon ang buhay. Kung kailan medyo maayos na ang buhay mo, at mayroon ka ng nakikitang direksyon, saka darating ang isang problema na kailangan mong pag-aralang mabuti. Kasi kahit papaano, maaapektuhan ang lahat ng taong nakapaligid sa iyo sa kung anuman ang gagawin mong desisyon. Siguro nga tama ang kasabihan na, "No man is an island". Sa tagalog, walang taong pwedeng mamuhay ng mag-isa. Pwera na siguro ang mga ermetanyo... Oo nga, lahat tayo may kanya-kanyang buhay. May kanya-kanyang pangarap... Pero sa araw-araw nating pamumuhay, sa lahat ng pang-araw-araw nating ginagawa, may mga bagay na dapat natin mabusising pag-isipan lalu na at marami ang maaaring masaktan o maapektuhan sa anuman ating gawin.