To stay or to move on...

I've been thinking kung talaga bang gusto ko ng umalis dito sa work ko. May dalawang taon na rin naman akong nagtitiyaga sa kakarampot na sahod na nakukuha ko dito. Although sobrang enjoy ako sa mga ka-trabaho ko kahit sa mga boss ko, sapat na bang dahilan yon para hindi umalis? Kung minsan kasi okay na rin naman yun mga job namin. Kung wala ka deadlines, nakukuha namin na manood ng sine kahit pa oras ng trabaho. Basta ba, hindi kami hahanapin ng mga boss para utusan o may ipagawa sa amin. Hindi ko rin naman masasabi na kahit na busy kami ay nawawalan na kami ng social life. Sa tingin ko nga ay mas okay pa ang mga gimmick namin dito kumpara sa ibang tao nagtatrabaho kung saan-saan lang. Napapagkasya naman ang kakarampot na sahod, yun nga lang may mga panahon na sa sobrang kasalatan ay nakukuha naming pag-tyagaang kaining ang mga de-lata. Syempre, hindi rin lahat ng luho mo sa katawan ay napapagbigyan namin. Maka-ilang beses sa isang taon, tuwing makatanggap ka ng "bonus" daw yun, dun ka palang makabili para sa sarili mo.

Okay rin naman ang mga kasama ko sa trabaho. Kung minsan pati mga boss ay nakikisama sa mga gimmick at biruan namin. Dahil halos pare-pareho lang kami ng edad o di kaya'y di kami nagkakalayo, ang mga hilig namin hindi rin naiiba sa hilig nila. Madalas kami kumain sa labas ng sabay-sabay, manood ng sine, mag-bowling, mag-videoke, mag-badminton. May mga oras din na wala kaming ginawa kundi magbiruan sa office. Sa area namin kasi ngayon mga girls [may sariling area ang buong tax na isolated sa audit =)Puro tax lang ang nandun pwera sa 2 directors ng audit] mayroon kami couch. Kahit yun mga boys na nasa labas ng room, pumapasok sa area namin para lang tumambay at mangulit. Mas marami nga kaming bonding moments sa 9th floor kaysa dun sa dati naming area. Kaya siguradong ma-miss naming lahat ang 9th floor lalu na't gawa na ang 7th floor at lilipat na raw kami sa isang linggo.

Pero bukod dyan, okay naman ang trabaho. "Challenging" kasi hindi naka-kahon katulod ng sa ibang department. Sa amin sa tax, halos buwan-buwan ay may mga bagong rulings, regulations na inilalabas ang BIR. Kaya kung hilig mo din lang ang magbasa at mag-aral ng mga bagong bagay, nararapat kang talaga sa tax.

Yun nga lang kapag sinabing deadline, deadline talaga. Kailangan mong mag-overtime (hanggang alas dose) o di kaya naman mag-overnight (datnan ka ng mga kasamahan mo na papasok na kinaumagahan) para lang matapos ang isang trabaho. Kahit na gaano ka ka-organize, kahit na gaano ka kagaling sa pag-manage ng sarili mong oras, kung matatagalan naman sa director mo ang report mo, mag-cram ka pa rin sa gabi ng inyong meeting kinabukasan. Ewan ko ba kung bakit kasi naging kultura na dito sa kompanyang ito ang pag-oovernight. Kahit kasi i-discourage sya ng mga partner, ganun pa rin ang suma-total kasi nga kung hindi man ikaw ang nag-cause ng delay ang in-charge/director mo ang may kasalanan.

Kung minsan makatagpo ka pa ng in-charge/director na iiwan ka sa isang engagement. Yun tipong ikaw na ang nagfi-field, sariling kayod mo pa mag-review ng report na ginawa mo. Ikaw pa rin ang mag-discuss ng mga findings mo sa kliyente. Sa umpisa, flattering kasi nagtitiwala sa yo yun in-charge/director mo na makiharap sa kliyente, pero sa bandang huli kung talaga susuriin mo, magsisimula kang magtanong sa sarili mo "Ano ng ginawa nya?" "Na-promote ba ako at ako na ang gumagawa ng dapat na trabaho niya?"

Meron din naman mga in-charge/director na kulang na lang na ipamukha sa yo na wala ka talaga ginawa. Wala kang silbi at wala kang natutunan sa tinagal-tagal mo. Pero kung titingnan mo hindi talaga niya binasa yun report mo. Ang ginawa lang nya ay mag-aksaya ng tinta ng ballpen at mag-comment na "Use standard discussion" na ginawa mo na lang. Nagtagal na nga sa kanya yun report mo ng ilang buwan, nakuha pa nya magcomment sa mga follow-ups nya sa yo na bilisan mo sa trabaho dahil long overdue na yun report. Sino ba naman tao ang magkaroon ng gana magtrabaho kung ganun ang magreview sa yo. Tapos lumalabas pa sa impresyon sa iyo ng partner, eh ikaw talaga ang may kasalanan. Ituloy mo pa kaya at tapusin yun report o iisipin mo na lang na sirain lahat pati yun softcopy? [Hindi ko naman sinira =) Tinuloy ko pa rin kasi alam ko ako rin mahirapan i-type lahat yun. Aba, 170 pages na rin yun report ha. Di biro magsimula ulit nun =)] Ang point ko lang, dapat pa kayang mag-stay ako dito?

Kasi kung aalis din ako dito, parang gusto ko pa rin na tungkol sa tax ang gagawin ko. Para kasing hindi ako talaga pang-audit. Ayoko nang nagco-compute ka ng roll-over, interest, depreciation. Sa tax kasi more on compliance kami. Mas marami ang pagre-research kaysa pagco-compute. Ang bulk ng trabaho namin ay ang paghahanap ng legal basis na magsu-support sa mga policies ng mga kliyente namin. Kaya lang bihira naman kasi dito ang mga kumpanya na may sarili ng tax department. Halos lahat ay naka-incorporate ang mga ganung gawain sa accounting department. May relative din ako sa New York na hinahanapan ako ng trabaho, pero hindi ko pa rin sure sa sarili ko kung talaga bang gusto kong lumabas ng bansa.. At kung lalabas man ako, handa ba akong mag-audit? Parang hindi rin...